Haurtzaroaren kulturaz hitz egiten dugu, haurrei hitz emoteaz, beraien ikuspegi eta iritziak kontutan izateaz, baina nola egiten dugu hau? Gaurkoan Txatxilipurdi elkartea Aretxabaletako udalarekin batera gauzatutako esperientzia txiki bat ekarri nahi dugu guraso.eus egitasmora.

Aretxabaletako udalak Lausita plazan eraldatze txiki bat egiteko asmoa azaldu zigun baita prozesua bideratzeko proposatu ere. Honetarako haurren iritzia entzun eta jasotzeko prozesu bat abiatu genuen.  Almen eta Kurtzebarriko taldetxo batekin egin zen prozesua.  Plazan Jolastu, beraien ideiak jaso, eta jolas ezberdinak diseinatzeko eskatu genien.

Haur talde ezberdinek koloretako klarionak tresna moduan erabiliz, jolas proposamen ezberdinak egin zituzten zoruan. Jolastu genuen, aztertu eta mugak azaldu genituen. Ideiak planotara eramateko ariketa ere egin zuten ikasleek ondoren. Lexuri Doyage artista izan dugu bidelagun prozesu guztian zehar, bera izan zen jasotako batu, nahastu eta egingarri bilakatu zituena. ghiru proposamen ezberdin sortu zituen. Ideazio fasean parte hartutako ikasleen eta Ikaskide guztien artean erabaki zuten zin izango zen lurreratuko zen aukera.

Saiakera txikiak dira, haurren parte hartzeaz hausnartzeko, ikasteko baliagarri zaizkigunak. Haurrekin batera ikasi beharko dugu haurtzaroaren kulturaz,  parte hartzea nola  lurreratu, nola gauzatu.

Lausita plaza jolasgarriago  bilakatu dugu haurren hitza kontutan izanik. Mugak, kontraesanak eta hobetzekoak ere izan ditugu.

Gu ere ikasten gabiltza.