Guraso eta hezitzaile moduan, askotan bizi ditugu  elkarrizketa ez erosoak, zailak. Lankidearekin, seme alabekin edo bikoteraekin hizt egin “beharreko”  gai horiek. Batzuetan atzeratu genitzake, saihestu, baina nola aurre egin elkarrizketa hauei ahalik eta modu egokienean? Nerea Mendizabal Komunikazio Ez Bortitzean adituak honako gomendio hauek proposatzen dizkigu.

1.Prestatu zure burua emozionalki

Hitz egin aurretik, hausnartu: zein da zure intentzioa? zer esan nahi duzu? Zer espero duzu bestearengandik?
Elkarrizketa zailak ez dira inprobisatzen. Helburuak argi edukitzeak lagunduko dizu lasai egoten.

2.Aukeratu momentu eta leku egokia

Ez hitz egin urduri edo giro tentsionatuan, eta ezin baduzu saihestu, behintzat, zure emozioa aitortu. Aukeratu lasaitasuna eskaintzen duen espazio bat, etenik gabe eta behar adinako denborarekin.

3.Erabili tonu lasaia eta errespetuzkoa

Hitzek pisua dute… baina tonuak are gehiago.
Erabili “ni”tik abiatutako esamoldeak (“nik uste dut…”, “gustatuko litzaidake…”), kritikak saihesteko.

4.Entzun benetan

Ez da soilik zure mezua helaraztea. Entzun arretaz eta eten gabe. Zer zaindu nahian dabil? Batzuetan, esan gabekoak ere garrantzitsuak dira.

5.Irtenbideak bilatu, ez errudunak
Helburua ez da eztabaida irabaztea, baizik eta harremanak hobetzea edo arazoak konpontzea.
Nola zaindu ditzakegu guztion beharrak? Hori da gakoa.

6.Laguntza behar baduzu… eskatu.
Batzuetan, elkarrizketa bat izateko prestakuntza edo laguntza eskatzea lagungarri izan daiteke.