Aste honetan aurkeztu dute Durangoko Azokaren 60. edizioaren egitaraua. Abenduaren 5etik 8ra garatuko da Durangoko Azoka. Landako Gunean 285 erakusmahai ipiniko dituzte 175 partaideren artean, eta 1026 kultur nobedade egongo dira kulturazaleek hartzeko eta emateko.

1000tik gora nobedade, 273 ekitaldi eta 285 erakusmahai izango dira. Berritasunen artean, bi gune berri izango dira aurten, Berbagailua (Podcasten Plaza) eta Atartea (Arte Ederren Plaza). Webgunean kontsultatu daiteke egitaraua osorik.

Saguganbara

Durangoko Azokak Saguganbara du haur eta gaztetxoei zuzendutako nobedadeak aurkezteko plaza. Bertan, haurrei, gaztetxoei eta hauen familia eta lagunei euskarazko literatura eta kulturara gerturatzeko espazio bat eskaintzen die.

Aurten ere, Saguganbarak bere izateari eutsiko dio: irakurtzeko, ipuinak entzuteko, sormena
lantzeko, ikasteko, lagunekin eta familiarekin gozatzeko, dantzatzeko, abesteko eta
sortzaileekin harreman zuzena izateko aukera izango dute.

Guztira, 24 ekitaldi baino gehiago eskainiko ditu: ipuin kontaketa ugari, liburu aurkezpenak, musika, tailerrak, mahai-jokoak, pailazoak eta ikuskizun ezberdinak.

Ikasle Eguna

Ikasle Eguna ere izaten da Durangoko Azokan. Aurten abenduaren 5ean izango da Ikasleei eta irakasleei zuzendutako tailer, hitzaldi eta ikuskizunen egitarau zabalarekin.

Esan bezala egitarau guztia ikusgai dago webgunean.