Oñati, Gipuzkoan Debagoienan kokatuta dagoen udalerria da. Bertatik gertu kokatzen dira Arantzazu eta Aizkorri-Aratz mendilerroa. Udalerriko horretan, Urgain ikastetxeak kanpo espazioko jolas gune berria estreinatu, behin obrak amaitu ostean.

Jolas-parkean tirolina gunea, akazia etxola, enbor pila jokoa, alertze tipia edo magaleko txirrista daude besteak beste. “Adin eta gustu desberdinetako haurrendako espazioak sortu dira. Espazio ez
hierarkizatuak dira, berdeak, leunak, sormena pizten laguntzen dutenak, aniztasuna eta berdintasuna
oinarri dituztenak… Oro har, gaurko eta etorkizuneko erronkak erdigunean, esperimentatzeko eta
landu beharreko balioak lantzeko aukera eskaintzen dute”, dio Asier Lauzurika Arrondok, Oñatiko
Hezkuntza batzordeburuak.

Natura elementuek esangura handia dute jolas gune berrian, eta inguruan, eserlekuak, urmaela eta saskibaloi eta futbol kantxa daude. Jolas-parkea herritar ororentzat dago zabalik klase orduetatik kanpo –astegunetan, 16:30etik aurrera, eta asteburuan, egun osoz–.