Arrautza kaxa batekin eskulan erraz bat sortzen erakutsiko dizuegu gaurkoan. Sormena dantzan jarriz aurpegi anitzak sortzen ikasiko dugu. Eskulan hau jolas bezala ere erabili dezakegu.

Materiala:

  • Arrautza kaxak
  • Artaziak
  • Silikona
  • Pintzela
  • Rotulkiak
  • Tenperak

Pausuak

  1. Hasteko, gure aurpegiaren euskarria sortuko dugu arrautza kaxaren goiko aldea erabiliz.
  2. Jarraian kaxak dituen forma ezberdinak kontuan hartuta gure aurpegien atalak irudikatuko ditugu, belarriak, begiak, sudurrak … ondoren hauek moztuko ditugu.
  3. Behin aurpegiko atalak prest ditugula aurpegiak osatzen hasiko gara.
  4. Begi bat, ahoa, sudurra, bekainak … norberak bere sormena erabili dezala  aurpegiak osatzeko.
  5. Guk bi aurpegi ezberdin osatzea erabaki dugu, horretarako atalak silikonarekin itsatsi ditugu. Gainera kolore pixka bat emateko asmoz hauek apaintzea erabaki dugu, hala ere, margotu gabe utzi daitezke.
  6. Eskulan hau jolas bezala ere erabili dezakegu, atalak itsatsi gabe utzi eta aurpegien atalak aldatzeko aukera emanaz.
  7. Erabili sormena eta egin jolas!

Bideoa eta argazkiak