Udaberria ate joka daukagun honetan, txorien kantuak ere entzuten hasi dira kalean. Gaurko eskulanean, kartoizko tutuekin eta modu erraz batean txoriak egiten ikasiko dugu. Hori bai, hauek ez dakite kantatzen.

Materiala:

  • Kartoizko tutua
  • Tenperak
  • Rotulkia
  • Pintzela
  • Artaziak
  • Kartulina
  • Silikona

Pausoak

  1. Hasteko, txoriaren gorputza izango den kartoizko tutua apainduko dugu. Bide batez, kartulina zati bat ere margotuko dugu, ondoren txoriaren mokoa eta hegoak egiteko.
  2. Jarraian, tutuaren alde bat tolestuko dugu eta itsatsiko dugu. Ondoren tutuaren beste aldea borobilduko dugu artaziak erabiliz.
  3. Aurrez margotutako kartulinarekin txoriaren mokoa eta hegoak egingo ditugu, pieza horiek tutuan itsatsiz. Kontuan izan, aurrez borobildutako tutuaren aldean mokoa barrutik sartuz itsatsi beharko dugula.
  4. Bukatzeko begiak marraztuko dizkiogu txoriari.
  5. Prest daukagu gure txoritxoa! Honek kantatzen ez dakien arren guk txistu eginez lagundu diezaiokegu.

Bideoa