Martxoaren 19tik 22rako zubi honetan, haurrentzako zinema ikusteko aukera egongo da hainbat aretotan. Guztira, lau film ikusi ahalko dira Gipuzkoa, Bizkaia eta Arabako aretoetan, honakoak: Tafiti eta lagunak, Ninja laukiduna, Chirp, Honey Hillseko ikertzailea eta Baba Yaga eta sorginkerien liburua.

Oñatiko Santa Anan, Tafiti eta lagunak eskainiko dute larunbatean eta igandean, 17:00etan. Andoaingo Basteron egongo da ikusgai Ninja laukiduna ordu eta egun beretan.

Chirp, Honey Hillseko ikertzailea hainbat aretotan ikusi ahalko da: Bermeoko Nestor Barrenetxean eta Zumarragako Zelai Ariztin, larunbatean eta domekan, 17:00etan; Galdakaoko Torrezabalen, larunbatean eta domekan 16:15ean; Urdulizko Kultur Etxean, larunbatean, 18:00etan; Azkoitako Baztartxon, igandean, 17:00etan; eta Donostiako Antiguo Berrin, gaur, 16:30ean.

Azkenik, Baba Yaga eta sorginkerien liburua, Bizkaiko lau aretotan igorriko dute eta emisio guztiak 17:00etan izango dira: Zornotzan, larunbatean eta igandean; eta Ermuan, Igorren eta Basaurin domekan.

Datozen asteetan zine gehiago

Aipatutako filmeak eta beste batzuk euskaraz ikusi ahalko dira Gipuzkoa, Bizkaia eta Arabako aretoetan. Datorren astean, esaterako, Evolution, Super Charlie edo Ama Mu etxera itzuli da ikusi ahalko dira. Horiek zure herrian ikusgai egongo diren jakin nahi baduzu, zernonikusi webgunean egin dezakezu.