Bizipoza Eskola Debagoienean ekimenaren baitan, Bergarako ikastetxeen plazaratzea ospatu zen apirilean mural kolektibo erraldoia eginaz. Bertan, ozen eta argi aldarri egin zutebn : Bizipoza da…GUZTIONTZAKO MUNDU BAT!

Murala egiteko, lehenik, ikastetxe bakoitzean tailerrak egin zituzten bizipozako lantaldekoek: Aransgi, Ibaiondo, San Martin, Aranzadi eta Mariaren Lagundia ikastetxeetan. Tailer horietan, haur bakoitzaren bizipoza zein den deskubritu eta, ondoren, talde txikitan jarrita, partekatutako bizipozak eskuekin marraztu zituzten mural zatietan.

Behin paper zuriari kolorea emanda, arkatz kooperatiboarekin letrak idatzi zituzten. Hala, letraz letra, guztiok elkarrekin, B-I-Z-I-P-O-Z-A D-A G-U-Z-T-I-O-N-T-Z-A-K-O M-U-N-D-U B-A-T idatziz.

Hala, herri mailako mural kolektiboaren atal guztiak osatu , eta soilik bateratzea eta aldarrikatzea falta zen. Horretarako, Bergarako parkean elkartu ziren ikastetxe guztiak, eta denak elkarrekin jolas egin ondoren, letraz letra, murala osatu zuten, eta argazki erraldoia atera Bergarako ikastetxeak ere Bizipoza direla aldarrikatuz!.