“Maite zaitut”. Seguruenik, zure haurtxoa jaio zenetik gehien errepikatzen duzun esaldietako bat da, bai zure baitan, bai ozenki. Lo dagoenean esaten diozu, pixoihala aldatzen diozunean, bularra edo biberoia ematen diozunean, edo, besterik gabe, hari begiratu eta unkitzen zarenean.

Hala ere, bizitzako lehen hilabeteetan, zure haurtxoak oraindik ez du hitz horien esanahia ulertzen. Horrek ez du esan nahi zure maitasuna sentitzen ez duenik. Izan ere, etengabe sumatzen du zure keinuen, zure ahotsaren, zure laztanen eta haren beharrei erantzuten diezun moduaren bidez.

Haurtxoek maitasuna zer den hizkuntza ulertu baino askoz lehenago ikasten dute. Egunero zaintzen dituzten pertsonekin bizi dituzten esperientzien bidez deskubritzen dute. Besarkada bakoitzak, irribarre bakoitzak eta haren negarrei emandako erantzun sentikor bakoitzak segurtasun-, babes- eta maitasun-sentimendua eraikitzen laguntzen du.

Zure haurtxoak maite duzula sentiarazten dioten keinuak

“Maite zaitut” hitzen esanahia ulertu bitartean haur txikiei hau adierazteo keinuak aztertuko ditugu guraso.eus ekimenean. Keinu hauen bidez jendarteko “mito” eta gaizkiulertu batzuk ere landuko ditugu. lehenengoa klasiko bat da: “ez ezazu hartu eskuetan negar egiten duen aldiro, gaiki ohituko duzu eta!” entzun izan duzue noizbait?

1. Maite zaitut esaten diogu haurrari: Negar egiten duenean besoetan hartzen dugunean

Bada uste zabaldu bat dioena negar egiten duen haurtxo bati berehala erantzuteak besoetan egotera ohituko duela.

Bizitzako lehen hilabeteetan, ordea, negarra da haurraren komunikatzeko modu nagusia. Harengana joaten zarenean, besoetan hartzen duzunean eta zer behar duen ulertzen saiatzen zarenean, zure haurrak oso mezu garrantzitsu bat jasotzen du: “Ez zaude bakarrik. Hemen nago zu laguntzeko.”

Hitzekin adierazi ezin badu ere, behin eta berriz errepikatzen den esperientzia horrek bere segurtasun- eta konfiantza-sentimendua indartzen du. Horrela, atxikimendu seguruan oinarritutako lotura eraikitzen doa pixkanaka.

Hitzekin adierazi ezin badu ere, behin eta berriz errepikatzen den esperientzia horrek bere segurtasun- eta konfiantza-sentimendua indartzen du. Horrela, atxikimendu seguruan oinarritutako lotura eraikitzen doa pixkanaka.

Ados, oso ondo! Baina nork ziurtatzen du hau?

hasteko zure barruko bulkadak. Baina zure bulkada ikerketaren batekin justifikatu nahi baduzu eta haurrarekin duzun jarrera epaitu nahi izan duen pertsona horri erantzun nahi badiozu:

John Bowlbyren arabera haurtxoaren seinaleei —negarra barne— modu sentikor eta koherentean erantzuteak atxikimendu segurua garatzen laguntzen du. Haurra “gaizki ohitzetik” urrun, zaintzailearen eskuragarritasun horrek bere beharrak asetuko direla sinesten laguntzen dio, eta haren segurtasun emozionalaren oinarria eratzen du.

John Bowlby (1907–1990) britainiar psikiatra eta psikoanalista izan zen, eta atxikimenduaren teoriaren sortzailetzat jotzen da. Teoria hori XX. mendeko garapenaren psikologiako ekarpenik eraginkorrenetako bat izan zen. Bere lanak lotura afektibo goiztiarrak eta horiek bizitza osoan zehar osasun mentalean eta giza harremanetan duten eragina ulertzeko modua errotik aldatu zuen.