“Maite zaitut” hitzen esanahia ulertu bitartean haur txikiei hau adierazteo keinuak aztertzen gabiltza guraso.eus ekimenean. Keinu hauen bidez jendarteko “mito” eta gaizkiulertu batzuk ere landuko ditugu. lehenengoa klasiko bat izan zen “ez ezazu hartu eskuetan negar egiten duen aldiro, gaiki ohituko duzu eta!” bigarrenean, esnatzean irribarre egiten diozunean gertatzen denaz hausnartu genuen. Hirgarren honetan berriz, oraindik hitzez erantzuten ez jakin arren, haurtxoari hitz egiteaz hausnartuko dugu.

3. Hitz egiten diozunean, nahiz eta oraindik ez jakin hitzez erantzuten

Askotan helduok benetako elkarrizketa bat izango bagenu bezala hitz egiten diegu umetxoei. Egiten ari garena kontatzen diegu, gauzak galdetzen dizkiegu edo inguruan gertatzen dena deskribatzen diegu. Eguneroko ekintza sinple horrek sentiarazten dio kontuan hartzen duzula eta zure presentzia oparitzen diozula.

Hitzen edukia oraindik ulertzen ez badu ere, zure ahotsaren tonua, erritmoa eta intentzio emozionala hautematen ditu. Harentzat, maitasunez hitz egiten diozula entzutea zurekin lagunduta eta konektatuta sentitzeko modu bat da

Baina nola hitz egingo diogu? zein da modu aproposa? zuri irtetzen zaizuna izango da, zalantza gabe barrutik irtetzen zaizun hori ondo egongo da, baina adituek hau nabarmendu izan dute:

Haurrei hitz egiteko modu propioa izatea ez da hitzak “gaizki” esatea edo haur-hizkera erabiltzea (“txutxu”, “guau-guau”, “txitxi”eta antzekoak), baizik eta:

  • Ahotsaren tonua altuagoa izatea.
  • Intonazioa melodikoagoa eta aldagarriagoa izatea.
  • Hitzak motelago eta argiago ahoskatzea.
  • Esaldi laburragoak erabiltzea.
  • Aurpegiko adierazpenak eta begi-harremana lagun izatea.