Arrasate: Eguzkilaru eguna

Aurten ere, prest daukagu jada Eguzkilaru eta Gaztelaru eguna. Ekainaren 25a egun berezia izango da Txatxilitarrontzat, haur eta nerabeekin batera Eguzkilaru eta Gaztelaru eguna ospatuko dugu!

Haurrak eta nerabeak eguneko protagonista izatea nahi dugu. Aurten ere haurrentzako bi gune bereiztuko ditugu, Monterron parkea abentura gune bilakatuko dugu eta Biteri plaza berriz jolas gune. Egunean bertan, nerabeek ere gune eta jai propioa izango dute; Gaztelaru.  Horretarako Zaldibar parkea erabiliko dugu.

EGUZKILARU EGITARAUA

Monterronen: ABENTURA GUNEA

• 11:00-13:30 Abentura gunea: tirolina, kutxa dorrea, 0-4 gunea, ur bideak, zuhaitz margolariak eta jolas erraldoi ezberdinak egongo dira denon eskura.

• 12:00etan Ipuin kontaketak.

• 19:00etan Porrotx, Marimotots. Pupu eta Loreren eskutik Zerua lapurtu dute ikuskizuna.

Biteri plazan: JOLAS GUNEA

*Euria eginez gero Uarkape pilotalekuan

• 11:00-13:30 Jolas gunea: aurpegi margoketa, ohe elastikoak, arte txokoa eta kartoiarekin sortzeko tailerra. Guztia musikaz girotua.

• 13:00etan Eguzkilaruren ongi etorria eta makalaren igoera.

• 13:30etan Apar festa

GAZTELARU EGITARAUA

Zaldibar parkean 11:30-18:00 bitarte.

• 11:30 Gazte kedada.

• Jarraian, bazkaria prestatzeko tartea eta musikaz girotutako txokoak egongo dira.

• 14:30 Bazkaria

• Ondoren, jolasak, Sorginak gazte taldearen kontzertua eta pintxada kolektiboa.

*Gaztelaru eguneko bazkarian parte hartzeko izena eman beharko da. Izena emateko azken eguna ekainak 19.

Izena emateko idatzi edo deitu 688 68 49 44 zenbakira.