Txantxariak Telebista 3-8 urtera bitarteko neska-mutilengan pentsatuz sortutako euskarazko saioak dira. Urtxintxaren eta Gipuzkoako Foru Aldundiaren arteko lankidetzaren ondorioa da, eta otsailaren 19an ekin diote hirugarren denboraldiari.

Captura de pantalla 2016-02-19 a las 12.50.46

Txantxariak Telebista www.txantxariak.com atarian ikus daiteke. Otsailaren 19an hasita astero saio berri bat egongo da ikusgai. Gainera, Hamaika, Oizmendi, Xaloa, GITB, Goiena eta Erlo tokiko telebistek ere emango dute.

Jolasaren garrantzia eman nahi du ezagutzera Txantxariak Telebistak. Horretaz gain, euskarazko jolasak eta abestiak zabaldu nahi ditu. Egitasmoan, nagusiki, Urtxintxako hezitzaile lan-taldeak hartu du parte, eta jaso du Ner Groupen babesa. Denboraldi honetarako 30 minutu inguruko 10 saioa grabatu dituzte.

Eduki pedagogikoak

Eduki pedagogikoak, hezitzaileak eta jolasgarriak dituzte oinarri saioek. Haurrak dira hartzaile nagusiak, eta saio horietan lantzen dira jolasak, eskulanak, haurren egunerokoan oinarritutako bizipenak (haserrea, nekea, ardurak, kezkak…). Helburua da entretenimenduaren bidez hainbat balore positibo transmititzea.

Hemen duzue lehenengo saioa