Urolako bide berdea deiturikoa 22 kilometro pasa luze da, eta lotzen ditu Azpeitia eta Zumarraga. Honakoan proposatzen duguna, ordea, Azpeitia eta Zestoa lotzen dituen bidegorri zatia da. Gipuzkoako barnealdeko herriak eta mendi-paisaiak zeharkatzeko aukera ematen digu.

Oso erraza eta polita da oinez zein bizikletan egiteko, eta oso aproposa familian egiteko. Azpeitian emango diogu hasiera ibilbideari, Trenaren Euskal Museoan. Gertu pasatzen da Urola erreka eta lagundu egingo diogu itsasoratzeko ibilbidean. Hala, Zestoa aldera hartuko dugu eta ez Legazpi aldera.

Captura de pantalla 2016-05-01 a las 21.06.06

Ondo egokitutako bidegorrian egingo dugu aurrera. Bananduta daude oinezkoentzako zein bizikletentzako bideak. Lehenengo geldialdia Lasao auzoan egingo dugu. Aisialdi aretoaren ondoan haurrentzako egokitutako berdegune bat dago ziburuekin, eserlekuekin eta iturri batekin.

Atseden pixka bat hartu ostean zubia pasa eta bide zaharretik egingo dugu aurrera. Berehala amaitzen da eta bat egiten du errepide sare nagusiarekin. Kontuz ibili beharko dugu inguru horretan izan ere errepidea gurutzatu egin beharko dugu beste aldean jarraitzen duen bidegorrian sartzeko.

Behin bidegorrian aurrera jarraituko dugu. Bide zabala da eta lautadan. Ibilbidean Zestoako termak utziko ditugu eskuman, eta argiztatutako hiru tunel pasako ditugu.

Captura de pantalla 2016-05-01 a las 21.06.42

Bidegorriak ez du galbiderik eta Zestoara eramango gaitu. Badago aurrera egitea eta Iraetako futbol zelaiaren aldamenetik pasata Iraeta auzora helduko gara.

Informazio gehigarria

  • Distantzia metrotan: 12.780 m
  • Goranzko desnibela: 450 m
  • Beheranzko desnibela: 515 m

Captura de pantalla 2016-05-01 a las 21.06.24