Txatxilipurdi elkarteak kaleratu zuen kalekantoi jolas bildumatik dakargu aste honetako jolas proposamena. Naturan , zuhaitzekin eta zentzumenekin jolasteko aproposa.
Ingurune naturalarekiko errespetuzko harremana, konfiantza eta aniztasunarekiko jarrera positiboa garatzeko jolas baliagarri moduan aurkeztu genuen puntua aldizkarian.
Azalpena:
Lagun batek beste bati begiak zapi (edo jertse) batekin estaliko dizkio eta basoan (parkean) zehar zuhaitz batera eramango du. Itsuak zuhaitza beste zentzumenen bitartez aztertu eta ezagutuko du: ukitu, laztandu, enborra besarkatu, usaindu, dastatu, entzun… zuhaitz guziak desberdinak dira beraien artean, gu geu bezalaxe, eta berezitasun horietaz jabetzen saiatuko gara. Jolasean, zuhaitzari nahikoa denbora eskaini diogula uste dugunean, hasierako lekura itzuliko gara (bidea aldatu dezakegu), begietako zapia kendu eta zuhaitza zein den asmatu behar dugu! Esperientzia honetatik deigarria dena eta ikasi duguna banatuko dugu lagunon artean!
Begiak itxi eta zuhaitzera eraman
Ukitu, laztandu, besarkatu…
Hau da sentitu dudan zuhaitza!
Isolde Beristain, Haizea Ostolaza, Mali Juaristi, Amaia Isasa
Iruzkinik ez "Jolas proposamena: zuhaitzekin jolasean"