Hezibide psikologia zentroan martxan jarri duten egitasmo bat dakargu gaurkoan guraso.eus-era, gurasoetzako eta hezitzaileentzako baliagarria delakoan.

Hezibiekoek Haziera eta heziketaren inguruan aritzen dira, haurrarenganako errespetua aurrejarriz, ikuspegi zientifiko batetik, beti azken ikerketak kontuan harturik eta informazioa kontu handiz kudeatuz.

Errespetua eta konfiantza dute oinarri, eta haurrak begiratzeko modua aldatzea omen da beraien helburua.

Aurkeztu nahi dizuegun egitasmoa Bideo kanal  bat da;  Haziera eta heziketaren inguruko gaiak oinarri hartutako bideoak dira guztiak eta beraien  asmoa astean edo bi astean behin bideo bat ekoitzi eta sarera igotzea da.

Gurasook ditugun zalantza eta kezka ugariri erantzuten diote orain arte ekoitzi dituzten 5-10 minutuko bideoek. Mireia Centeno psikologo eta psikopedagogoa da egitasmoaren atzean dagoena eta gai ezberdinak lantzeko aditu gonbidatuak ere ekarri ditu bideoetara.

Amagandiko edoskitze arrakastatsua izateko gakoak, haserrearen kudeaketa, elikadura, Noiz kendu pixoiala haurrari, Haurrei ezarri beharreko mugak… hauek dira orain arte landutako gaiak.

Adi jarraituko dugu egitasmoa eta bertako edukiak guraso.eusera ekartzen ere saiatuko gara.