INSPIRA sentsibilizazio eta orientazio ekintzetan oinarritua dago eta ikerketa, zientzia eta teknologia munduko emakume profesionalak dira irakasle. Elhuyar Fundazioak eta Deustuko Unibertsitateak sustatzen dute INSPIRA proiektua, Innobasqueren lankidetzarekin eta FECYTren laguntzarekin (Zientzia eta Teknologiarako Espainiako Fundazioa-Ekonomia eta Lehiakortasun Ministerioa).
captura-de-pantalla-2016-09-26-a-las-11-55-35
Lehen Hezkuntzako euskal ikasleen artean, eta bereziki nesken artean, bokazio zientifikoak eta teknologikoak sortzeko sortu dute INSPIRA. Teknologiaren arloko prestakuntza hautatzen duten ikasleen kopurua gutxitu egiten da urtetik urtera. Eta emakumezkoen artean, datuak nabariagoak dira, Espainiako unibertsitate sistemako ikasleen % 54,3 emakumezkoak diren arren, Ingeniaritza eta Arkitektura titulazioetan, % 26,4 baino ez dira.
Pilotu fasean
Fase pilotuan da INSPIRA, eta hamazazpi emakume arituko dira aholkulari, haien borondatez. Guztiak dira zientzialariak eta teknologoak eta haien jarduera profesionala arlo hauetakoa da: irakaskuntza, enpresa, ikerketa, kudeaketa, etab.
Irailaren 16an aurkeztu zuten egitasmoa, eta Euskal Autonomia Erkidegoko hamabi ikastetxetako berrehun neskak baino gehiagok hartuko dute parte zazpi lan saiotan eta, besteak beste, gai hauek landuko dituzte: inguruan ditugun estereotipoak, lana, eta emakumeak eta zientzia historian zehar.
Aholkularien eta neskatoen arteko topaketa horien bidez, lortu nahi dute zientzia eta teknologia arloko lanbideei buruzko zalantzak eta eragozpenak ezabatzea eta motibazioak argi izatea eta autoestimua sendotzea lanbide horri ekiteko, horrela nahi izanez gero.

Proiektua sei gakotan

  • Hurbileko emakumezko teknologoen erreferente berriak eman.
  • Neska-mutilek STEAM lanbideen berri izatea.
  • Herrialdearen garapena gizonezkoen eta emakumezkoen artean lortu beharraz kontzientziatzea.
  • Teknologiako ikasketen inguruan sentsibilizatzea eta haietara bideratzea.
  • Emakumezko teknologoak ikusgai bihurtzea, eta haiei balioa ematea.

 

Albistearen iturriak: Sustatu, Deustuko Unibertsitatea.

Argazkiaren iturria hemen.