Bikote gazteen arteko harremanak ikuspegi sistemiko eta kulturaz gaindiko batetik aztertu ditu Alazne Aizpitarte psikologoak EHUn egindako doktore-tesiak.

Captura de pantalla 2014-12-12 a las 13.34.28

Lau herrialdetan (Guatemalan, Mexikon, Espainian eta Herbehereetan) egin du ikerketa, unibertsitate-ikasleen artean. Azpitartek alde handia atzeman du herrialde batetik bestera indarkeria fisikoaren erabileran (horretarako joera handiagoa Mexikon) eta onespen soziala ere oso desberdina da. Ez, ordea, indarkeria psikologikoaren erabilera.
Bestalde, Azpitartek ondorioztatu duenez, “erruz” erabiltzen dituzte nerabeek eta gazteek teknologia berriak euren bikotekideak kontrolatzeko. Haren esanetan, “kontuan hartu beharreko fenomenoa da hori, ondorio larriak ekar baititzake; izan ere, etorkizuneko indarkeriazko jarrera askoz bortitzago batzuen atarikoak izan daitezke”.
Indarkeriaren bi aldeak

Ikerketaren ondorioetan, Azpitartek azpimarratu du indarkeria “bi noranzkokoa” izaten dela. Hau da, “ez dela bakarrik sexu batekoek (mutilek) bestekoen aurka erabiltzen dutena nabarmentzen”, eta neskek ere “jelosia eta antzeko jarrera galgarriak” baliatu ohi dituztela.

Albistearen iturria hemen.