Durangoko Azokako Kabia gunean erabilpen egokia egiteko ikastaroak egin zituzten. Adituen esanetan zuhurtziaz jokatu behar da, baina tresnak eskaintzen dituen aukera guztiak baliatuz.

Captura de pantalla 2014-12-15 a las 13.34.08

Durangoko Azokako Kabia gunean neska-mutiko gazteei zuzendutako ikastaroak egin zituzten Maite Goñik eta Gorka Juliok. Mugikorra segurtasunez nola erabili izan zuen gaia.

Goñik azaldutakoaren arabera, gaur egun, 9-10 urterekin hasten dira gazteak mugikorra erabiltzen. “Hori da bataz bestekoa eta azkar ikasten dute mugikorra erabiltzen. Kontua da ondo erabiltzea”, zehazten du Goñik. Aholkuak modu ludikoan ematea garrantzitsua da. Mugikorra ohiko tresna bihurtu da gaur egungo gaztetxoentzako “eta jabetu behar dira beste tresna guztiak bezala bi alde dituela: alderdi ona ondo erabiltzen bada, eta alderdi ez hain positiboa ez bada zuhurtasunez erabitzen”.

Gazteekin batera hezitzaileek eta gurasoek ere erabilpen egokiari buruzko oinarrizko zenbait puntu ezagutu beharko lituzketela uste du adituak. “Nahiko sentsibilizatutako gaude datuak ez ematearen kontu horrekin, eta gaztetxoak ere bai. Horraino iristen gara”, dio Goñik. “Ikastaroan saiatu gara azaltzen zein garrantzitsua den batzuetan propaganda iristen denean ez klikatzea, edo mugikorrean aplikazio bat deskargatzen dugunean zer izan behar dugun kontuan.”

Aukera handiak

Arrikuez hitz egin diete gaztetxoei, aurten, Durangoko Azokako Kabia gunean baina baita ere mugikorrek eskaintzen dituzten aukeren inguruan. “Irakaskuntzarako oso tresna baliagarria izan daiteke mugikorra eta saiatzen gara hori aldarrikatzen”, azaltzen du Goñik. “Uneotan mugikorra erabiltzea debekatuta dago ikastetxe guztietan, eta bitartean ordenagailuak erosi eta erosi ari gara. Mugikorra, azken finean, ordenagailu bat da. Agian jakin beharko genuke mugikorrei etekin gehiago ateratzen”.