Hamar bat madalena egiteko neurriak errezeta honetan.image-2

Urtzera iritsi gabe, mikrouhin labean 100 gramo gurin berotu, eta ondoren irabiagailuaz harrotu behar dira. Irabiatzen jarraitu bitartean, 150 gramo azukre gehitu behar zaizkio gurinari, pixkanaka. Jarraian, irabiatzeari utzi gabe, bi arrautza bota behar dira nahasketara, baita 200 gramo irin eta koilarakada bat legamia ere.

Masa homogeneoa lortutakoan, txokolate zatiak gehitzen zaizkio nahasketari. Masa krematsua izan dadin, ezinbestekoa da hasieran gurina ondo harrotzea eta osagaiak pixkanaka gehitzea.

Ondoren, moldeetan sartu behar da masa, betiere goraino bete gabe, gero labean hazi egingo baita. Azkenik, aurrez 180 gradura berotutako labean sartzen dira moldeak, 20-25 minutuz, eta hoztu bezain laster, jateko prest izango dira madalenak (hamar inguru).