Marrubiak: etxeko txikiekin landatzeko moduko landarea

Ekolurra aldizkarian egin dute proposamena Ekolapikoko Sabrina Patok eta Josune Romok. Landare belarkaria da marrubia, arrosen familiakoa, eta ekainetik aurrera du berezko garaia.

Marrubi ekologikoak landatzeko proposamena egiten dute Patok eta Romok: “Ondo egokitzen da (…) eta maneiu aldetik oso erraza da”, diote. Azaltzen dute marrubi landareak lur sakona eta harroa duela gustuko, eta ongarriketari dagokionez, konposta edo simaur ondua erabiltzea gomendatzen dute. “Lur-estalkia jartzea komenigarria izaten da, alde batetik konpetentzia izan daitezkeen belarrak kontrolpean edukitzeko, eta bestetik, fruituak lurra ukitzerakoan sortu ahal diren usteldurak saihesteko”.

Argazkiaren iturria hemen.

Albistearen iturria: Ekolurra aldizkaria.