Haurrak xurgatze-erreflexuarekin jaiotzen dira. Beharrezkoa dute elikatzeko eta gainera lasaitu egiten ditu. Berez, amaren bularra xurgatzeko gaitasuna da xurgatze-erreflexua, baina haur batzuk beste batzuk baino behar handiagoa dute eta gerta liteke atzamarra erabiltzea.

Aspaldi honetan txupetea ere eskaintzen zaie jaioberriei, baina argi izan behar dugu luzaroan erabiltzeak ondorio kaltegarriak ekar ditzakeela. Berdina gertatzen da atzamarrarekin.

Horrelakorik gertatzen bada adituek gomendatzen dute amaren bularra lehenesteko. Hurrengo txupetea egokiagoa da atzamarra baino; izan ere, bigunagoa da eta atzamarra baino samurrago ken daiteke.

Ezin dugu ahaztu, dena den, txupetea zein atzamarra xurgatzeak eragina izan dezakeela hortzeriaren formazioan argazkian ikus daitekeen moduan. Kontuz bospasei urtetik aurrera erabiltzen jarraitzearekin; izan ere, adin horretan agertzen dira behin-betiko hortzak. Atzamarra luzaroegi xurgatzeak, gainera, haren desitxuraketa ekar dezake.

Txupeteari dagokionean adituek gomendatzen dute lehenengo lau edo sei asteetan ez eskaintzeko. Komeni da lehenengo eradoskitzea —bularra ematea— ondo ezartzea. Kasu honetan ere ez da egokia txupetearen erabilera behar baino gehiago luzatzea. Gomendio da urtebetera kentzeko, eta ezinezkoa bada gutxienez erabilera jaisteko lotarako soilik eskainiz. Urtebetearen bueltan hasten dira hortzak ateratzen eta hasten dira baita ere umeak lehenengo hitzak esaten. Txupetea uneoro ahoan eramateak funtzio biak oztopatzen ditu.

Argazkiaren iturria eta informazio gehiago hemen —gazteleraz—.