Berez egiten duten zerbait da, tik antzeko bat; beraz, errieta egiteak ez du inolako zentzurik.
Ohikoa izan ohi da umeek atzamarra sudurrean sartzea, eta horren ondorioz, odoljarioa izatea. Ez da modu kontrolatuan egiten duten zerbait, berez egiten dute, tik bat bezala. Horregatik, ez dezatela egin esatea, azazkalak jaten dituen bati ez ditzala jan esatea bezala da. Beraz, ez zaie errieta egin behar. Beraiekin hitz egin behar da eta azaldu odol-hodientzako kaltegarria dela. Inoiz ez mehatxatu medikuak zerbait txarra egin behar diela edo sudurra handituko zaiela esanez.
Beraz, odoljarioak ekiditeko garrantzitsuena umeek kaltegarria dela ulertzea da. Hala ere, har daitezke beste neurri batzuk ere: hezegailu bat erabili euren logelan, azazkalak beti moztuta mantendu infekzioak saihesteko, odoljarioak ohikoak direnean medikuak pomada edo baselina bat preskribatu dezake, edo maiztasunez garbitu bere sudurra serum fisiologikoa erabilita lehortutako mukiak kentzeko, batez ere goizetan.
Odoljarioa mozteko zer egin
Hemorragia mozteko, umearen burua aurrera okertu behar da pixka bat eta odoljarioa eman den zuloaren gainaldean presioa egin bost minutuz. Ez bada gelditzen, kotoi zati bat sartu edo hotza aplikatu. Hala ere ez bada gelditzen, medikuarena jo.
Albistearen eta argazkiaren iturria hemen.