Umeekin hezkuntza-finantzarioaz hitz egin, dirua egoki administratzen ikas dezaten

Askok dirua helduen kontua dela pentsa dezakete, baina Yulieth Mora adituaren arabera, umeek aurre egin beharreko gaia da. Hala, dio oso garrantzitsua dela haurrek dirua zer den ulertzea, betiere familiako baloreak oinarri izanda; besteak beste, pertsona zintzo, arduradun eta eskuzabalak izan daitezen. Eta dirua lortzeko, administratzeko eta erabiltzeko orduan erabaki zuzenak hartzeko gai izan daitezen.

Dirua nola lortu

Mora adituak gaineratzen du dirua modu egokian administratzeko, lehendabizi izan egin behar dela. Beraz, haurrek dirua eskuratzeko dituzten hainbat modu zenbatzen ditu.
Normalean, ordainsari edo paga jasotzen dute gurasoengandik. Honen abantailetako bat da dirua denbora zehatz baten arabera administratzen ikasi ohi dutela, bere esanetan. Desabantaila, berriz, umeek ordainsaria gurasoen betebehar bezala ikus dezaketela eta ez baloratzea dirua euren kabuz lortzea.

Bestalde, egun ohikoa da oparien ordez, umeei dirua ematea.  Aldizkako diru hori azaltzean, garrantzitsuena da umeek esker oneko sentimenduak izatea eta erosketan lehentasunak ezartzea Moraren arabera.
Umeek dirua lortzeko beste aukera bat etxeko-lan txikiak jartzea da. Hala ere, helburua ez da etxeko ardurak —ohea egitea edo arropa jasotzea— egiteagatik dirua ematea, horiek ez baitira negoziatu behar. Garrantzitsuena da esfortzua baloratzen ikastea, euren lanarekin harro sentitzea eta euren gaitasunak trebatzen joatea.

Azkenik, haurrek eurek sor ditzaketen negozioak aipatzen ditu, esaterako, eurek eginiko artisauak saltzeko postua. Honek hainbat abantaila dituela aipatzen du, adibidez, sormena eta ekintzailetasuna garatzea. Hala ere, zehazten du umeek ez dituztela beste aktibitate batzuk baztertu behar, hauek egiteagatik.

Artikuluaren iturria hemen.