Nerabeekin urteak lan egiten daramatzan Carlos Malagon irakaslea Eskoriatzan izango da asteon. Nerabeekin izan beharreko harremanaz egingo du berba gurasoekin.

Captura de pantalla 2015-01-07 a las 14.37.20

Hilaren 16an Carlos Malagon, un maestro que cuenta cuentos izeneko helduendako ipuin kontaketa eskainiko duzu Huhezin, 22:30ean. Zertan datza?
Eskola-bizitza zati daitekeen hiru adini zuzendutako ipuinak kontatzean datza: txikitxoendako maitagarriei buruzko bat, Lehen Hezkuntzakoendako mitologia zeltaren gaineko bat eta Bigarren Hezkuntzakoendako Bucayren ipuin bat kontatuko ditut. Berez, umeendako diren ipuinak oso baliagarriak dira helduendako. Kontatuko ditudan ipuinen artean, izarra Peronik, el idiota izenekoa da: magia-ipuin horretan gauzak ez dira ematen dutena eta kalteak hori baino ez dira; errealitatearen egia indargabetzeko balio dute horiek.

Maiatzaren 17an, berriz, familiendako tailerra emango duzu 10:00etatik 13:00etara?
Askotariko gaiak landuko ditugu bertan: guraso edo irakasleen nerabezaroa nolakoa izan zen, seme-alabena zelakoa den, seme-alaben bizitzaren ezagutzea edo zer den nerabezaroa eta adin tarte horretan jarri beharreko mugak, besteak beste.

Eta nola egin behar zaio aurre nerabezaroari?
Kutsatuta egongo balira moduan tratatuak dira askotan gazteak. Txikiak direnean arreta handiz zaintzen ditugu umeak… eta ahaztu egiten gara behar gaituzten neska-mutilez. Erronka egiten digute beraien ideiak berresteko, proban jartzen gaituzte gizakien egiazkotasuna azalarazteko eta ihes egiten dute beldurrak dituztelako. Helduekin duten duelu hori guztia hazteko eta topatu ahal izateko da. Lagundu behar diegu, nerabea izatea zaila da, baina nerabea izatea nerabea den gizarte batean balio berezia duten ausartendako da: horiek dira gure gaurko gazteak.

Nolakoa izan behar da gurasoen eta nerabeen arteko harremana?
Ezin gara seme-alaben lagunak izan; heldutasunetik jarduteko kapaz izan behar gara. Garena izan behar gara. Komunikazio bidea ez da inoiz galdu behar; eta komunikazio hori mugekin orekatu behar dugu.

Hortaz, mugak jarri behar dira…
Hazi ahal izateko aurre egiten duten trabak dira mugak. Mugarik ez izateak autonomiaren eta berezko senaren garapena galarazten du. Mugak bidea islatzen duen ispilu bezala ikusten dituzte gazteek. Konfiantza garatze aldera, kontuan hartuko dituzten idealak eskaini behar dizkiegu.

Iturria: Goiena.