Mugikorretarako aplikazioak garatu dituzte airean dagoen polen maila detektatzeko

Urteroko klasikoa da udaberrian eta adituek diote gero eta haur gehiagok garatzen dituzten alergiak direla. Polenarekin lotutako udaberriko alergiek sintoma oso argiak dituzte: errinitisa edo sudurreko azkura, begietako zein azaleko narritadurak, arnasa hartzeko zailtasuna, eta kasu batzuetan eztula eta belarriko infekzioa.

Hotzeria edo alergia?

Antzerako sintomak dituztelako guraso asko nahastuta ibili ohi dira hasieran. Sintomek astebete baino gehiago luzatzen badira eta sukarrik agertzen ez bada, alergia izan daiteke eta osasun arloko adituek gomendatzen dute espezialista bat kontsultatzeko. Polenarekin lotutako alergiak zaintzen, eta batez ere prebentzio neurriak hartzen ez badira asma arazoen garatzea ekar dezakete. Asma da, adituen esanetan, umeen artean eragin gehien duen gaixotasun alergikoa.

Mugikorrendako aplikazioak

Gurasoek jakin behar dute hartu beharreko neurrien artean daudela umeak polenaren eraginetik  urruntzea—ahal den neurrian—, etxeko gelak gutxi aireztatzea, autoan leihoak zabalik ez zirkulatzea, oheko arropa etxe barruan lehortzea, eta moztu berritako belardietatik urruntzea, besteak beste. Airean dagoen polen maila detektatzeko, bestalde, erabilgarri izan daitezkeen aplikazioak garatu dituzte azkenaldian: AlertaPolen, PolenControl edo AlergoAlarm, esaterako. Doakoak dira gehienak, polen motak desberdintzeko gaitasuna dute —gramineak, olibondoa…— eta kontzentrazio maila neurri batetik gora handitzen bada alerta abisua emateko prestatuta daude.

Albistearen iturria hemen.