Familiako giroa

Egokitzapen arazoak, estres koadroak, jarrera arazoak… askotan ez ditugu osasun psikologikoarekin lotzen, baina gehienetan azalpen bat izaten dute. Sintoma argienak dira tripako minak, lotarako arazoak, amesgaiztoak, antsietate krisiak azterketa sasoian… Eusko Jaurlaritzak 2013an egindako Osasun Inkestak azaleratu du 15-24 urte bitarteko gazteen %13 antsietate eta depresio sintomak dituela.

Prebentzio neurriak

Diaz Robredok dionez garaiz detektatuz gero arazo horiek gehienek badute konponbidea. Lau jarraibide ematen ditu:

. umearen atsedenerako denbora bat finkatu.

. aisialdirako denborak antolatua eta mugatua behar du neurriz kanpoko neke iturri ez izateko.

. neurtu eskolaz kanpoko arduren zama.

. eskaini zuk ere denbora etxekoen elkarbizitzari.

Etxeko giroa

“Familian dagoen giroak eragin zuzena du familia hori osatzen duten kideen osasun psikologikoan”, dio adituak. “Egunerokoaren gurpila zoroan murgilduta gurasook akaso ez gara horren garrantziaz ohartzen, baina txikiak izanagatik seme-alabek argi sumatzen dute gurasoen arteko harremanaren osasuna zein den”. Adituaren esanetan segurtasun giroa sortu behar dugu gurasook, eta lasaitasun gehiagorekin egin behar diegu aurre umearen arazoei.

Diaz Robredok argitzen du umeen osasun psikologikoa neurtzeko sintoma konkretu batzutan jarri behar dela arreta: ondo edo gaizki lo egiten duen, apetitua duen, jolasteko eta ondo pasatzeko gogoa duen. “Batzuetan profesionalean laguntza beharrezkoa izango da, baina kontuz etiketak ipintzeko gaur egun dagoen gehiegizko joerarekin”, ohartarazten du.

Artikuluaren eta argazkiaren iturria Hirukide.