Arabako hego-ekialdean, 1998an izendatu zuten Izkiko Parke Natural. Bere 9.143 hektareetan paisaia desberdin ugari biltzen ditu eta Euskal Autonomia Erkidegoko parkeetan hirugarrena da, handitasunean.

Funtsean, Izki basoa eta harkaitza da. Nagusiki ameztia dago, baina pagadiak, artadiak, haltzadiak, ezkameztiak, baso mistoak, urkidiak, lertxundiak, hariztiak… ere badira. Ibai txikiek –Izki, Molino, Berrón–, zeharkatzen dute bailara.

Zailtasun eta luzera desberdineko 15 bideko sare batek ibiltariari Izkiko paraje ederrak ezagutzeko, bertako flora eta fauna ikusteko eta lurralde honetan bizi ziren eta bizi diren gizakien tradizioak eta kultura antzemateko aukera ematen diote. Bide horiek bisitaria interes desberdineko gune, herri, haran, baso… daramate.

Bisita gidatua hitzartu dezakete antolatutako taldeek. Bisita modalitate hori urte osoan zehar, asteko edozein egunetan, astelehenetan izan ezik, egin daiteke. Parketxea Korres herrian dago. Jarduera programa zabala da eta ikasleentzako diseinatutako bisitak ditu.

Korres herriaren inguruan, bestalde, jolas gune bat dago non iturria, mahaiak, barbakoa eta kulunkak dauden.

Argazkiaren iturria hemen.