40 jarduera baino gehiagok osatuko dute Euskadiko Orkestra Sinfonikoaren musika gelaren denboraldi berriaren egitaraua, tartean, lau produkzio berri: Uauatxua, Isiltasunaren haitzuloa, Marie Antoinette eta Pianissimo.

Uauatxua, kultura ezberdinetako melodia herrikoiak eta musika klasikoko sehaska-kantak entzuteko aukera emango du; Isiltasunaren haitzuloa, musika entzuten ez denean non dagoen bilatzean tematuta dagoen neskatila bat protagonista duen musika-ipuina da; Marie Antoinette, Malandain Ballet Biarritz eta Euskadiko Orkestra Sinfonikoaren produkzio berria da, aldi berean Orkestraren Abonu Denboraldiko bosgarren hitzordua ere izango dena; eta Pianissimo, musikaren, bere ñabarduren eta bere inplikazio emozionalaren inguruko terminologia espezifikoan sakontzen lagunduko duen emanaldia da.

Lau ekoizpen berri hauek bi formatu ezberdinetan aurkezten dira, Eskola Kontzertuak eta Musika Familian kontzertuak. Urtero moduan helburua da musika gerturatzea gazteei bereziki.

Argazkien iturria eta argibide gehiago hemen.