Eskuz egin daitezke jostailu aski politak! Esate baterako abilezia trebatzeko etxeko materialarekin egindako jostailu hau. Erraz erraza da egiteko eta dibertigarria jolasteko. Ea gustuko duzuen!

Materiala

  • Tapoia duen botila bat.
  • Artile zati bat.
  • Kartoizko tutua.
  • Oparitarako papera.
  • Zelo-papera.
  • Kola.
  • Guraizeak.

Nola egin

1. Botila moztu. Erdi paretik moztuko dugu botila eta gordeko dugu goiko zatia. Tapoia ere beharko dugu, beraz ez bota.

2. Artilea prestatu. Botila zatiaren luzera bikoitza duen artile zatia moztu.

3. Zatiak itsatsi. Artilearekin botilaren ahoari itzulia egin eta korapilo batekin estu lotuko dugu. Hurrengo pausoa izango da kartoizko tutua botilaren ahora itsastea zela-paperarekin. Ez ahaztu artileak tutuaren erditik pasa behar duela.

4. Apaindu kartoizko tutua. Jostailu itxurosoa egin nahi dugu eta oparitarako paperarekin estaliko dugu kartoizko tutua. Kola erabiliko dugu horretarako. Hasi aurretik ondo neurtu behar da paperaren tamaina handiegia edo txikiegia ez suertatzeko.

5. Tapoia jarri. Zulo bat egingo diogu tapoiari eta bertatik pasako dugu artilea. Alde bakoitzean korapilo bana egingo dizkiogu ondo lotuta gelditzeko. Eta prest dugu jostailua. Saiatu tapoia botilan sartzen eskuarekin ukitu gabe. Ondo pasa!