Aknea eta txokolatea, badago harremanik?

Ez dago ebidentzia zientifikorik hori frogatzen duenik.

Ez dago ebidentzia zientifikorik frogatzen duenik harremana dagoela txokolatearen kontsumoarekin eta akne arazoen gorakadarekin. Ikerketa zientifiko bakarra egin da gai honen inguruan eta kontrakoa erakusten du: txokolatearen kontsumoa onuragarria izan daiteke azaleko arazoak gutxitzeko.

Azalaren gaixotasuna

Aknea azalaren gaixotasun bat da. Propionibacterium acnes izeneko bakteriak eragiten du eta azalaren hantura eragiten du. Espezialistarengana jotzeko gomendioa egiten dute adituek. Ikerketak ez du frogatu aknearen areagotzeak harreman zuzenik duenik txokolatearen kontsumoarekin. Erakutsi duena da badagoela harremana kontsumo kaloriko handiko dietarekin.

Jose Luis Estebaranz dermatologoak dio senez jokatu behar dela. Elikagai batzuk aknea areagotzen badute, gutxiago kontsumitu. Esaterako, pikantea, otordu oparoegiak, otordu lasterrek…

Nerabezaroan

Pubertaroarekin lotzen da aknea eta izan daiteke. Hormona gorabeherak badaude aknearen eragileen artean. Baita ere zenbait botika, edo estresa. Tratamenduak ere badaudela dio dermatologoak: kremak edo gelak ondorengo osagaiak dituztenak; azido erretinoikoa, benzoilo peroxidoa, azido azelaikoa, antibiotiko topikoak, hormona tratamentuak…

Eguneroko zaintza

Garrantzitsua da egunean bitan azala ondo garbitzea. Xaboi leunarekin eta azala igurtzi gabe. Gogoan izan aknearen jatorria ez dela zikintasuna, beraz ez obsesionatu kontu horrekin. Tratamentuak konstantzia eskatzen du. Dieta orekatua egitea lagungarria izango zaigu.

Artikuluaren iturria eta aholku gehiago hemen.

Argazkiaren iturria hemen.