Ekaiz (8 urte), Uxune (6 urte) eta Aladapo (8 urte) Arabako irratigintzako esataririk gazteenak dira. Larunbatero egiten dute ‘Alai Bedi’ irratsaioa euskarazko Hala Bedi Bi irratian.

Captura de pantalla 2015-03-05 a las 14.13.20

Alea aldizkarian izan dugu hiru esatari gazteen berri. Ekaitz Grajales Miñano-Mayor, Uxune Sanzol Blanco eta Oladapo Olakojo Olakojo dira. Hainbat azalpen eman dizkiote Itsaso Estarrona kazetariari. Tarte batzuk berreskuratu ditugu.

Hala Bedi irrati librea Internetez ere entzun daiteke, halabedi.eus webgunean.

Noiz hasi zineten Hala Bedi irratian irratsaioa egiten?

Oladapo: Ez dakit noiz, paper bat sinatzera etorri nintzen eta ordutik astero nator irratsaioa egitera, eta oso pozik nago.

Zer kontatu ohi duzue irratsaioan?

Oladapo: Igarkizunak, txisteak, ipuinak… eta mila gauza gehiago.

Zuek aukeratzen duzue zer esan?

Oladapo: Guk pentsatu behar dugu zer ekarri nahi dugun eta zer ez.

Zer gustatzen zaizue gehien irratitik?

Oladapo: Jendeak gu entzutea

Ekaitz: Niri gauza bera.

Uxune: Eta niri.

Badago irratian batere gustatzen ez zaizuen zerbait?

Oladapo: Irratsaioak gaizki ateratzea. Batzutan gaizki irakurtzen dut…

Imajinatu edonor elkarrizketatu dezakezuela. Nor aukeratuko zenuteke?

Ekaitz: Carlos Vela, Errealeko futbol jokalaria.

Zer galdetuko zenioke?

Ekaitz: Hori ez dakit…

Oladapo: Nik galdetuko nioke ea nola etorri den Errealera jokatzera.

Zaila da irratsaio bat egitea?

Oladapo: Bai. Prestatu behar dugu zer, nola, non, noiz esan…

Zuen lagunek irratsaioa entzuten dute?

Ekaitz: Nik uste dut ezetz; nire klasekoek ez dute Hala Bedi entzuten.

Eta zuek, irratia entzuten duzue etxean?

Uxune: Nik bai!

Zer gustatzen zaizu entzutea?

Uxune: Musika. Pilo.

Ekaitz: Niri kirola eta futbol partidak. (…)

Uste duzue irratian umeentzat programa asko daudela, ala gutxi?

Hirurak: Asko! (…)

Imajinatu etortzen dela estudiora politikari bat…

Uxune: Baina zer da politikari bat?

Politikaz arduratzen den pertsona…

Oladapo: Gobernua…?

Adibidez. Imajinatu azterketa jartzen diozuela politikari bati. Zer galdetuko zeniokete?

Uxune: Txupao!

Oladapo: Galdetuko nioke ea zer egingo lukeen bere gobernua hobetzeko.

Zer egin beharko lukete politikariek gauzak hobetzeko?

Uxune: Pentsatu!

Munduak ondo funtzionatzen du?

Oladapo: Ondo funtzionatzen du gauza batzuetan, adibidez etxea, jana eta gauza asko ditugulako.

Bideoa hemen ikusgai.

Argazkiaren iturria hemen.