Altxa Buruak, telefono mugikor adimendunek nerabeengan eragiten duten kalteen kezkatik abiatu zen egitasmoak, lehen topaketa orokorra egingo du Eibarko Hezkuntza Esparruan, urriaren 25ean, larunbata. Euskal Herri osoko familientzat prestatuta dute topaketa, eta, helburu nagusia, “indarrak batu, eraberritu eta mugimenduak lortu dituen lorpenak eta ekimenak gizarteratzea” dela adierazi dute. 09:45etik aurrera antolatu dituzte ekintzak.

Bertan, heziketa baliabideak, familientzako interesgarriak izango diren azalpenak, eta Francisco Villarren hitzaldia emango dira besteak beste. Gainera, Hezkuntzaren digitalizazioaren inguruan aditu talde independente batek egindako 400 orriko txosten zientifiko baten laburpenaren 12.000 ale ere zabalduko dira topaketaren ostean. Txostena eta gida bera aurkeztuko dira egunean zehar.

Prentsaurrekoa topaketaren aurretik

Topaketa hasi aurretik, 09:30ean, Altxa Burua herri-mugimenduaren egoeraren berri emango den prentsaurrekoa ere egingo da. Bertan, mugimenduarekin bat egin duten eskolen berri emateaz gain, mugimenduarekin formalki, zenbat talde dauden eta Altxa Buruaren lorpen nagusiak izango dira berbagai.

Bestetik, hezkuntzaren digitalizazioaren azterketa zientifikoaren lerroburu nagusiak plazaratuko dira, gida aurkeztu eta bertan jasotzen den DOITU markoaren proposamen ofiziala burutuko da.

Goiz osoko egitaraua

Eibarko Hezkuntza Esparruan, 09:45ean emango diote hasiera topaketari eta honako egitaraua prestatu dute goiz osorako.

  • 10:00etatik 11:00etara: Francisco VIllarren hitzaldia
  • 11:00etatik 11:30era: Hezkuntzaren digitalizaziorako markoa
  • 11:30etik 11:45era: Bakarrizketa
  • 11:45etik 12:00etara: Atsedenaldia
  • 12:00etatik 12:15era: Altxa Burua Antolaketa
  • 12:15etik 12:30era: Oinarrizko baliabideak
  • 12:30etik 12:45era: Gizarteratze proposamenak

Topaketa gazteleraz jarraitzeko aukera ere izango da. Horretarako, smartphonea, Telegrama eta aurikularrak beharko dira.