Mikel Joakin Eleizegi, Altzoko Handia,  XIX. menderaren erdialdean  jaio eta bizi izan zen. Fama handiko gizona izatera iritsi zen bere tamaina zela eta.  Horrela, Gipuzkoan,  “Altzoko handia” ezizenez  ezaguna egin zen eta Altzon, bere sorterrian,  “Gure haundie” goitizenaz. Bere historia ezagutarazteko Altzon ibilbide tematikoa eta baita Interpretazio Zentroa  sortu zuten. Altzo herria eta inguruak ezagutu eta Handiaren aitzakian ibilbide gidatu bat egiteko aukera eta plazan eraikitako interpretazio guneari bisitak, Familia plan proposamena merezi duelakoan gaude.

Altzoko Handiarekin lotutako leku historikoak bisitatzeko bi ibilbide aurkituko ditugu, biak ere herriko plazatik habiatuak.

Kolore gorriak ibilbide luzea adierazten du.

Kolore horiak ibilbide laburra adierazten du.

Ibilbidea Herriko plazatik abiatzen da. Lehenengo geldiunea handiaren jaiotze baserrian egingo dugu , Ipintza baserriraino, alegia. Baserriaren ondoan, 1968. Urtean Juanito Lopezek egindako Handiaren eta haren abarkaren  harrizko taillak ikus daitezke.

Ibilbide luzea eginez gero Altzo Azpira iritsi eta Salbatore elizari aurkituko dugu, bertako  harrizko hormetan erretoreak Handiari hartzen zizkion neurriak zizelkatuta agertzen dia. Mikel Joakin Eleizegi hazi eta hazi egiten zen akromegalia edo gigantismo gaixotasunaren ondorioz eta pareta horretan bere garaieraren garapena ikus dezakegu.

 Ibilbidearen amaiera partera Santa Barbara aliza ondoan Frontoi estalia , Iturria eta Altzoko Handiaren harrizko iturria aurkituko ditugu.

Handiaren ezaugarriak probestu eta dirue egiteko baliatu omen zuten. 29 urte zituela, Europan zehar bidaiatu eta Errege- erreginen aurrean agertzeari eraman zuen kontratua sinatu zuen. “Euskal Erraldoia” izatera pasa zen orduan, edo behintzat horrela islatzen dute garaiko grabatuek. Gainera, erakustaldi haietan askotan mozorrotu egiten zuten, harridura handia sor zedin. Batzuetan Espainiako general modura jantzi zuten, bestetan, turkiar modura…

Herriko plazan dagoen Altzoko Handia erakusketa azkar batean ikusten da eta Haundiaren historiaren berri emango digu.