Argitalpen berria: ‘Bazen bitan’ bildumako ipuinak
Verkami ekimenaren eskutik printzesa adoretsuak, sorgin jakintsuak eta otso zintzoak.
Sabeletik Mundura atariko arduradun Nahia Alkortaren eskutik datorkigu gomendio hau. Verkami ekimenetik hiru ipuin argitaratu dituzte, euskaraz. Sirenatxoa, Loti ederra eta Hansel eta Gretel dira ipuinak.
Verkami ekimenaren ezaugarrietako bat da ipuin tradizionalak oinarri hartuta istorio berriak sortzen dituztela, genero mandatuak eta rol sexistak alde batera utziz.
Irakurleen diru ekarpenei esker egiten du aurrera ekimenak. Iaz Errauskine, Edurne Zuri eta Txanogorritxo argitaratu zituzten, baina gazteleraz eta katalanez. Aurten, euskararen aldeko apustua egin dute eta eskuragarri daude Sirenatxoa, Loti ederra eta Hansel eta Gretel ipuinen bertsio parekideak, euskaraz.
Nahia Alkortaren gomendioa hemen.