Argitalpena: ‘Haur besoetakoa. Litxarrerien jauna’ (+ 12 urte)

Unai Iturriaga idazle eta bertsolaria, eta Alex Sanvi marrazkilaria daude komiki album honen atzean. Haur Besoetakoa eta Lolita dira pertsonaia nagusiak eta erdi bana gobernatzen dute hiria.  Mafiaburuak, politikariak, enpresariak… ageri dira komikian. Handinahikeria, boterea eta ustelkeria ere nahasten dira haurren mundu honetan.

Hainbat irakurketa geruza izan ditzakeen lana dela adierazi du Iturriagak. “Gaztetxoei zuzendurikoa da, pertsonaia nagusia ume bat da, eta umeen begiradatik aztertzen dira gizarteko gaurkotasuneko hainbat gai”, azaltzen du. “Istorio guztietan dago atzealde bat, gizarte kritikara bideratutako zati bat”.

Euskal Herriko Ikastolen elkarteak argitaratu du, eta hamabi urtetik gorako neska-mutikoendako gomendatu dute.