Uztailaren 1etik 29ra, arratsaldeko 17:00etatik 20:00etara Arrasateko Monterron Parkean euskarazko irakurgaiak, mahai jolasak eta jolasak egongo dira eskuragarri. Egitasmo honekin, euskaraz dauden produktu ezberdinen ezagutza eta erabilera sustatu nahi dute Txatxilipurdi elkarteak eta Arrasateko Udalak.

Egitasmoa ezagutzeko Itsaso Garai Txatxilipurdi elkarteko kidearekin hitz egin dugu

Adin tarte guztientzako eskaintza da Freskura, haur, nerabe eta helduei aukera ezberdinen bitartez (jolastuaz, irakurriaz eta tailerretan parte hartuz) parkean dauden momentuan euskaraz ongi pasatzeko aukera eskaini nahi duen egitasmoa.

Txatxilipurdi Elkartetik, Covid-19a dela eta, indarrean dauden osasun neurri guztiak bermatzen saiatuko direla aipatu dute. Hala ere, parte hartzaile ororen konpromisoa beharrezkoa izango da neurri guzti hauek osotasunean bermatu ahal izateko.Jjarritako neurriak bete ezean, guraso edo tutore legalen erantzukizuna izango da.

Uztaileko arratsaldeak, euskaraz pasatzeko aukera paregabea da Freskura!

Hurbildu Monterronera freskuran egon eta jolastera.

Ez dadin euskara lehortu, zure eskura… Freskura!