Ekainaren 25a egun berezia izaten da Txatxilipurdi elkartean.  Arrasateko San Juan festen barruan haur eta nerabeentzako eguna antolatzen dugu; Eguzkilaru eguna.

Jolasteko, esperimentatzeko, gozatzeko aukera eskaini nahi izaten dugu Biteri plazan eta Monterron parkean antolatzen dugun egitarauan.  Makala txikia igo, Eguzkilarurekin batera kalejira, apar festa, tirolina, puzgarriak, eskulanak…

Jaietako egitarau eta jende pilaketen nahasmenaren aurrean Monterron parkeak lasaitasuna eskaini digu azken urteetan, Biteri gunean ere saiatzen gara irribarre eta gozamena sustatzen . Haur eta nerabeekin batera sortzen dugun egun berezia izaten da. Urtero bezala aurten ere egunari Pirritx, Porrotx eta Marimototxek eman zioten amaiera Monterron parkeko ikuskizunarekin. Sentitu, pentsatu eta egin!