Ekaina amaiera. Seme-alaba batzuk oporretan dagoeneko, beste batzuk azken txanpan… Zenbaiti azterketak faltako zaizkio. Azken gai horren bueltan gazteen gurasoei aholkuak eman dizkie Urnietako ikasmen ikasketa akademiako arduraduna den Ainara de Migelek Euskadi Irratiko Faktoria saioan.

Asierazi du Derrigorrezko Bigarren Hezkuntzatik Batxilergora pasatzeko antsietate handia izaten dutela seme-alabek eta haiei gurasoek ematen dieten laguntza eta elkar-ulertzea ere jaitsi egiten dela. “Lan arlora edo unibertsitate mailara abiatzen denean, aurreikusten da maila batetik abiatzen dela. Orain egin egin behar da, bestela, merkatutik kanpo zaude. Exijentzia maila hori transmititzen diogu”, dio de Miguelek.

Kezkatuta agertu da gurasoen antsietate mailarekin ere, horrek modu zuzenean eragiten baitie nerabeei erem eta presio “ikaragarria” sartzen zaiela adierazi du. “Pentsatzen dudana da nire beldurrak nireak direla, ez dira nire seme-alabenak; beraz, nire gelan tratatu behar ditut eta gelatik ateratzerakoak beldurrak aparkatuta joan semearen edo alabarengana”.

Azpimarratu du seme-alabak azterketa garaian badakiela zer den egin behar duena eta maiatzean egin beharreko guztia eginda dagoela. Horregatik, gomendatu du ikasleak ahalik eta osasuntsuen biziraun behar duela, ahalik eta gehien lo egin eta kirola egin deskonektatzeko: “Bere garunak xurgatu dezakeena oso txikia da Gaussen kanpaiari begira jartzen bagara”.