Oso ohikoa da gainera, gehienbat bost urtera arteko umeen artean; izan ere, adin horretatik aurrera hasten dira inguruko laguntxoekin gehiago jolasten. Umeak bere buruari hitz egitea pentsamendua barneratzeko prozesuaren parte da, eta etapa erabakigarria haurren garapen kognitiboan.

“Haurrak pentsamendua garatzen hasten direnean, lehenik kanpotik egiten dute. Hau da, etengabe ozenki hitz egiten dute, horrela hitzak ahoskatzen eta egitura gramatikalak ondo eraikitzen ikasten dute. Horrek, gainera, beren jokabidea erregulatzeko aukera ematen die, eta, aldi berean, arreta jarduera jakin batean mantentzen eta arazoak konpontzen laguntzen die”, azaltzen dute adituek gaiari buruz Early Childhood Research Quarterly argitaratutako ikerketan.

Bakarkako jolasean ozenki hitz egitea ariketa bikaina da hizkuntza garatzeko. Bestetik, adimena lantzen da eta nork bere buruarengan duen konfiantza indartzen du; izan ere, nork bere buruarekin ozenki hitz egiteak pentsamendu-prozesua optimizatzen du, ideiak hobeto antolatzen eta irtenbideak azkarrago aurkitzen lagunduz. Erabakiak hartzen azkarrago ikasten da, eta sormen handiagoa garatzen da.

Gizarte-trebetasunak entrenatzeko ere bikaina da. Haur batek bakarrik hitz egiten duen bitartean, pertsonekin elkarreraginean aritzeko modu desberdinak praktikatzen ditu, eta, aldi berean, besteen lekuan jartzen ikasten du.

Arreta sustatzen ere laguntzen du; izan ere, haurrak arreta handiagoa jarri behar dio esaten duenari bere diskurtsoaren ideia nagusia ez galtzeko, eta horrek inguruko agente distraitzaileak kontuan ez hartzea eskatzen dio. Hala, gehiago kontzentratzen da egiten ari den horretan.

Autokontrola hobetzeko ere ona da. Ikertzaileen arabera, hirugarren pertsonan beren buruarekin hitz egiteak aukera ematen die haurrei egoeratik distantzia psikologiko bat hartzeko, eta horrek tentsioak askatzen, desinhibitzen eta emozioak hobeto erregulatzen laguntzen die. Horrela, haurrek beren kezkak eta beldurrak modu irekiagoan adieraz ditzakete, eta, aldi berean, beren haserrea hobeto kontrolatzen dute.

Guraso batzuentzako kezka iturri bada ere, onurak besterik ez ditu.

Argazkiaren iturria: Jelleke Vanoote.