Álvaro Bilbao, Neuropsikologo eta dibulgatzailea da, gurasotasunaren inguruan idatzi eta sare sozialetan ere zabaltzen ditu bere hausnarketak. Bere sareetatik ekarri dugu honako hau.

Nire ustez, “Baldintzarik gabeko maitasuna” terminoak, gurasoen eta seme-alaben arteko harremanei dagokionez, ez du esan nahi gure seme-alabek egiten duten guztia onartu behar dugunik, ezta beti modu berdinean jokatu behar dugunik ere, beti maitatuko ditugula baizik. Eta horrek esan nahi du beraientzat une oro onena nahi izatea.


Bikotean baldintzarik gabeko maitasunak esan nahi bat du. Niretzat, seme-alabekiko baldintzarik gabeko maitasunak berekin dakar seme-alabok baldintza eta testuinguru guztietan heztea eta maitatzea. Horrek musu asko, besarkada asko, jolas asko, ipuin asko, baina baita “ez zaitez mahaitik altxatu” asko eta “telebista itzaltzeko garaia da” asko ere suposatzen ditu. Beti ere, guk dakigun hobekien laguntzeko baldintzarik gabeko desira batetik abiatuta, haurrak pertsona zoriontsu gisa gara daitezen.
Baldintzarik gabeko maitasuna frogatzeko beste modu asko daude. Nik sei islatu nahi izan ditut, hasiera batean maitasunik gabekoak diruditenak…


1-Egunez egun, mezu berberak errepikatu behar dituzunean, “garbitu hortzak” edo “ez altxatu mahaitik” bezalako hitzak, urteak behar izaten baitira ohiturak finkatzeko.

2-Muga bat jartzea ez jartzea baino zailagoa denean eta hala ere (maitasunez) jarri egiten duzunean , haurrarentzat ona dela uste duzulako.

3-Eguna oso zaila izanda ere, argia itzali eta bere ondoan geratzen zarenean, beraientzat eta beraiekin han egon nahi duzulako

4-Sofa margotzen harrapatzen dituzunean eta haserre aurpegiarekin rotulkiak kentzen dizkiezunean, ikusi duzuna izugarri gustatu bazaizu ere, badakizulako ezetz esan behar duzula.


5-Umeak kasurik egiten ez duenean eta zure duzun pazientzia guztiarekin tematzen zarenean.

6-Eta berdin zaizunean bart telebista itzaltzeko zenbat denbora behar izan duten, edo zein frustatuta oheratu zaren, goizean munduaren ilusio guztiarekin esnatuko dituzulako.Inungo erresumin eta liskarrik gabe, haiek haurrak direla haurren moduan jardungo dutela jabetzen zarelako eta zu zarela hezi behar dituena.