Igartubeitik eta Untzi Museoak Areago istorioak belarrietara kontakizunak 3 argitalpen ilustratua aurkezten dute. Baserriarekin eta itsasoarekin lotutako gaiak lantzen ditu Areago izeneko ondare berrikuntza proiektuaren kontakizun sorta berriak. Abenduaren 22rako iragarri dute aurkezpen ekitaldia eta ilustrazio tailerra Igartubeiti baserri museoan.

 

 

 

 

 

 

 

 

 

 

 

 

Kontakizun laburrak dira eta hiru ilustratzailek hartu dute parte: Zuriñe Agirrek, Iraia Okinak eta Leire Salaberriak. Kontakizun ezberdinen berriz interpretatzeko ariketa egin dute.

Historian zehar hainbat kondaira sortzeko bidea eman dute sagardoarekin, baserriarekin eta itsasoarekin lotutako gaiek. Arrantzaren gorakadarekin batera sortu zen Erdi Aro amaieran dolare baserria. Lantegi izugarriak ziren eta tokiko kontsumoa hornitzeaz gain merkataritza eta arrantza itsasontziak ere hornitzen zituzten. Esaterako, Ataungo Agerre baserriko jabeei Jentilak egindako madarikazioa edo beraien aberastasunekin gelditzeko asmoz eremu arriskutsuetara itsasgizonak erakartzen saiatzen ziren mamuen eta gezurtien kondairak.

Lehiaketa antolatu zuten eta hiru lan saritu ditu epaimahaiak: Maialen Akizurenaren Itsasoa opari, Idoia Garzesena Anaia bi eta Ainara Elizondoren Uhinak begi gazi.

Ekitaldi bereziak abenduaren 22an

Abenduak 22an, larunbata,  idazleen, ilustratzaileen eta antolatzaileen topaketa egingo dute Igartubeiti baserri museoan, 12:00etan. Horrekin batera, 16:30etik aurrera 3 urtetik gorako neska-mutikoentzako eta haien familientzako ilustrazio lantegian gidatuko du Leire Salaberria ilustratzaileak.