Begoña Ibarrola: “Lehenengo gizaki sentikorrak gara. Gerora garatzen dugu pentsamendua”

Ezagunak da Ibarrolak umeentzako duen Sentipuinak bilduma. Emozio bat oinarri hartuta ipuina eraikitzen du idazleak, eta 16 dira honezkero bilduma horretan argitaratu dituen lanak. Gazteleraz idazten du, eta Miren Agur Meabeak egiten du euskarazko itzulpena.

Ibarrolaren esanetan hezkuntza emozionala jaio aurretik hasi behar da. “Amak zaindu egin behar du haurrarekin duen lotura emozionala. Jaio ostean, berriz, familia da lehen irakasgune emozionala. Beraz, garrantzitsua da. Gero, eskola dator… Denen artean lagundu behar diogu umeari bere emozioak ulertzen, eta ondo adierazten. Baita ere inguruan dituen lagunen emozioak ezagutzen. Enpatizatzea oso garrantzitsua da.

Emozioa-pentsamendua

Ibarrolaren esanetan emozioak pentsamenduak baino indartsuagoak dira. “Emozioek pentsamenduaren prozesua blokea dezakete. Beste batzuen artean, eta gehiegizko antsietatearen ondorioz, gure oroimenen kudeaketa”.

Adituaren esanetan haurrei erlaxatzen erakatsi behar diegu, arreta ipintzen, euren buruarengan konfiantza edukitzen… Azken batean emozioak kudeatzen, izan ere, emozioak gai dira gure gaitasunak blokeatzeko eta haurrengan eragin handia izan dezake ikasteko gaitasunean”.

Nerabezaro errazagoa

“Emozioen (positiboak zein negatiboak) intentsitatea handiegia denean gaizki adierazteko arriskuan dugu”, azaltzen du Ibarrolak. Adituak dio adimen emozionalarekin lantzen hasteko adin 2-3 urte bitarteko tarte hori dela. “Adin horretan hasten dira ohiturak hartzen”, azaltzen du.

Umetatik adimen emozionala lantzeak nerabezaroa errazten du. “Haurrak erremintak edo baliabideak ditu nerabezaroan gertatuko/etorriko zaizkion aldaketei aurre egiteko. Heldutasunerako jauzia leunagoa da”.

Argazkiaren iturria hemen.