Azaroak 17an banatu zituzten Beldur Barik lehiaketako sariak. Emakundek antolatzen du lehiaketa urtero Arabako, Bizkaiko eta Gipuzkoako Aldundiek, Berdinsareak eta EUDELek bultzatuta eta Eusko
Jaurlaritzako Hezkuntza Sailaren eta Gazteria Zuzendaritzaren zein Euskal Herriko Unibertsitatearen eta EITBren laguntzarekin.

Urterik urte, ahalegina egin da indarkeriari buruzko kanpainetan azaltzen diren estereotipoetatik aldendu eta ikuspegi positibotik heltzeko. Beldur Barik lehiaketa Euskal Autonomia Erkidegoan bizi edo ikasten duten 12 eta
26 urte bitarteko gazteek har dezakete parte. Aurtengoa 12. edizioa izan da.

Lehiaketaren xedea da emakumeek jasaten duten bereizkeria-egoerei aurre
egiten dioten neska-mutilen adierazpenak onartzea, baloratzea eta bultzatzea.

Hiru kategoria

2021eko lehiaketan ere hiru kategoria izan dira; 1. kategoria (2008an eta 2009an jaiotakoak), 2. kategoria (2003 eta 2007 jaiotakoak), eta 3. kategoria (1995 eta 2002 bitartean jaiotakoak) 12. edizioa izan da.

● 1. kategoriako sari nagusia Handitan lanak jaso du. 400 euroko saria jaso dute egileek; Kurutziaga Ikastolako talde feministako kideek.

● 2. kategoriako sari nagusia Libre y valientes lanak jaso du. Beste 400 euro irabazi dituzte egileek; Ainhoa García, Kunda Cisse, Obehi Desire Otasowie, Trinity Pembele, Amadou Koung, Antonio Baltasar Ndong, Junior Acha, Esther Da Silva, Eugenia Cessay, eta Vanessa Prieto.

● 3. kategoriako sari nagusia Micromach clean lanak jaso du. Carla Campoamor, Sheila Carballo, Jon Andoni Sainz, Borja Sánchez, eta Miguel Sampedro dira egileak eta 400 euroko saria eraman dute.

Kategoria guztietan egon dira bestelako sariak eta aipamen bereziak ere bai. Ikus-entzunezko lan onenaren saria eta parte-hartzearen saria ere banatu dira.

Lan guztiak ikusgai

Berdur Barik Lehiaketak ikusgai ditu saritutako lan guztiak. Ikusi nahi izanez gero sakatu hemen.

Sari banaketa saio guztia, berriz, ikusi duzue jarraian.