Txatxilipurdi elkartea gara , Goiena komunikazio taldearekin batera guraso.eus egitasmoa bideratzen duen elkartea. 30 urte bete genituen 2024an eta urte hauetan elkarteko kide izan diren 30 lagunen hitzekin bideo bat osatu genuen. 31. urtea hasi dugu, badugu zer eraldatu!

Txatxilipurdi eginda, halaxe nahi dugu gure ingurua, gure mundua aldatu. Horretan dihardugu azken 30 urte hauetan. Askotan egin dugu igeri izokinen antzera, korrontearen aurka bidea irekiz eta haur, nerabe zein familiekin batera, mundua ulertzeko moduak asmatuz eta gure buruak ere, ber asmatuz.