Herrialde Katalanetako Vic herrian abiatu zen ekimena eta hazten joan da, gaur egun Kataluniako ehundaka haur daude eskolara bizikletan joaten direnak.

Bizibusa, eskolara arte haur eta heldu talde batek bizikletan egindako bideari deitzen diote. Hasteko, helduek, haurren bidelagun lana egin eta formazioa eskaintzen diote haurrei, hirian zehar nola zirkulatu ezagutu dezaten. Formazio honek, haurrek hirian mugitzeko modua barneratu eta tarte batera modu autonomoan joateko aukera ahalbidetzen die.

Modu honetan, Bizibusak lerro desberdinak ditu hirian zehar, eta geltoki desberdinen bidez haurrak biltzen ditu eskolarako bidean. Zehazki Bartzelonako eremu Metropolitanoan, 18 Bizibus lerro daude egun eta 370 haur baino gehiago pedalkadaka. 

Proiektu honen bidez, haurren autonomia eta mugikortasun jasangarria sustatzeaz gain, hiriaren edo herriaren ezagutzan ere sakontzen dute, eta hiriak zein bertako biztanleek, automobil gidariek kasu, haurrak ezagutzen dituzte, beraiek ikustera eta beraiekin elkarbizitzera ohitzen dira, abiadurak jaisten dute eta beraien erritmora mugitzen dira hiri barnean.

Eskola bideak proiektuan sakontzeko beste aldaera bat izan daiteke honakoa.

Kataluniako proiektu honen berri izateko, lotura honetan informazio gehiago: https://bicibus.cat/

Argazkiak: https://bicibus.cat/