1984tik urtero egin den Herri Urratsen 37. edizioa ospatu gabe geratu zen iaz pandemia dela-eta, baina aurten, maiatzaren 9an – kontrako araurik ez bada behintzat–, ikastolen aldeko jaia ospatuko dela adierazi dute Seaskako kideek.

Bosgarren eskola ireki nahi dute; oraingoan, Hazparneko eskualdean –Azkaine eta Senpere inguruan edo barnealdean–. Izan ere, Seaskak egindako aurreikuspenen arabera, datozen bost urteetan nabarmen igoko da ikasle kopurua. “Joan den irailetik kolegioetan 1.000 ikasleen heina gainditu dugu, eta heldu diren 5 urteetan kopuruek %30 igoko dira kolegioetan”.

Oraindik tokia zehaztu gabe dagoen arren, kokapen egokia zein izan daitekeen ikertzen ari dira: “Seaskak elkarrizketak abiatu ditu hainbat herriko etxerekin eta lur-jaberekin. Pista konkretuak badituzte eta sartu dira ikerketa fase tekniko batzuetan. Baina momentuz ez da deus eginik, baina agian ikerketa horien emaitzak baikorrak izanen dira eta berri onekin jakinaraziko ditugu laster”. Esan dutenez, maiatzaren 9an argitu nahi dute ikastetxe berria non egongo den

Helburu horrekin, Boga kanpaina abiatu du Seaskak ekarpen ekonomikoak maiatzaren 9aren aurretik egin ahal izateko. Eskola eraikitzeko teila bat, leiho bat edota igogailu bat “erosteko” aukera dago webgunean. “BOGA BOGA, lortuko dugu! 300.000 palakada eginen ditugu”, adierazi dute.

Etiketak: