Umeei arauak argi eta garbi azaltzea, eta ezarritako ondorioak koherentziaz betearaztea gomendatzen du Sara Tarres psikologoak.

Captura de pantalla 2015-01-12 a las 11.39.07

Haur desobeditzaile batekin egunero indarrak neurtu beharra izatea nekagarria da eta huts egitearen sentsazioa ematen du. Haurra, gainera, desafiatzailea bada lana zinez korapilatzen da. Baina zer da desafiatzaile izatea? Ba behin eta berriz gu proban ipintzea, erronka botatzea, guztia eztabaidatzea eta beti bere gustua egin beharra izatea.

Arrazoiak

Sara Tarres psikologoaren esanetan ez dago arrazoi konkretu bat azaltzeko ume baten desobedientzia jarraitua eta sistematikoa edo jarrera desafiatzailea. Aditu batzuk aipatzen dituzte arau eta muga falta, gurasoen ahultasuna, jarraikortasun eza. Baita gainbabesa edo arau eta muga zorrotzegiak.

Zenbait kasutan desoreka psikologikoak egon daitezke horrelako jarreren atzean, baina Tarresen esanetan gehienetan galduta eta berdurtuta dauden umeen erreakzioak dira, gurasoen arreta etengabea eskatzen duten jarrera horiekin. “Heldutasun eza, aurretik gainditu beharreko etapak gainditu ez izana edo emozioen kudeaketa eskasa dago kasu askoren atzean. Baita jeloskortasuna ere”, dio.

Neurriak

Adituak dio gurasook gure buruari egin behar diogun lehen galdera dela: Zer eraman du gure seme-alaba egoera horretara? Askotariko arrazoiak egon daitezke, baina galdera horri ematen diogun erantzuna pista handia da nondik jo erabakitzeko. Kasu gehienetan haurrek behar dutena da arauak eta mugak zeintzuk diren argi edukitzea eta horiek ez errespetatzeak duen ondorioa argi edukitzea.

. Lainezaz eduki dugu?

. gehiegi baimendu diogu?

. arau-muga gutxi ipini dizkiogu?

. ez gara koherenteak/jarraikorrak izan ipini dizkiogun arauekin?

. muga gehiegi ipini dizkiogu?

. erakutsi diogu ezezkoak onartzen?

Arauak modu argian eta motzean azaldu behar zaizkie eta ez betetzeari ondorio bat ezartzen badiogu, bete egin behar dugu egoerak horretara eramaten bagaitu. Probokazioek ez dute guragan erreakziorik sortuko, baina ez dugu beste alde batera begiratuko esandakoa betetzen ez bada. Ezarritako ondorioa aplikatuko dugu, bakarrik. Ahal den neurrian garrasirik egin gabe, eta aurretik abisu bat –bakarra– emanda.

Tarresek dio kontuan hartu behar dela haurraren adina 2-3 urteko tartean ematen delako negazio etengabearen fasea.

Albistearen eta argazkiaren iturria hemen.