Herriz herri dabiltza Deabru Beltzak konpainiako kideak ‘Diberti-dantza’ saioarekin. Berezia da; izan ere, erronka da aulkitik mugitu gabe dantza koreografiak egitea.

Argi diote emanaldiko aktoreek: “Frogatzera gatoz posible dela parranda egin osasun neurriak betetzen diren bitartean”. Eskoriatzan izan dira aste bukaeran eta frogatuta gelditu da.

Puntako teknologiarekin bertaratzen dira diberti-dantzariak ikuskizuna egitera. Gailu handi-handi bat jartzen dute erdi-erdian eta bi neurgailu ditu: girometroa eta osasunmetroa.

Lehenengo eta behin berotze ariketak egiten ditute. Pandemia dela-eta luzaro geldirik egon diren gorputzak esnatzeko, besteak beste. Besoak, belaunak, oinak, burua, lepoa…

Ondoren, koreografiak datoz, baina eserita egoteko moduan egitekoak. Askotariko musikarekin diten dituzte koreografiak: Saturday Night, Macarena, Asereje… Gaztetxoak ez ezik gurasoak ere gustura ekiten diote dantzari.

Eskoriatzan goia jo zuten. Girometroak zein osasunmetroak gora egin zuten apurka-apurka eta denen ahaleginarekin goia jo zuten bi neurketetan.

Pozik ziren diberti-dantzariak eta publikoa zer esanik ez!