Berezia izan da aurten Durangoko Azoka. Hala ere, 2.300 produktu eta 100 kultura ekitaldi baino gehiago egin dituzte. Horietako asko izan dira etxeko txikienei zuzendutakoak; izan ere, mugikortasunera daude murrizketei aurre egiteko streaming bidez jarraitzeko ikuskizun ugari antolatu dituzte.

Egin dituzten ipuin kontaketak, liburu aurkezpenak, solasaldiak, jarduerak… Nahieran ikusteko aukera ere badago orain.

Hemen horietako batzuk etxean lasai-lasai ikusteko loturak. Gozatu!

‘Koralaren distira’ (ipuin kontaketa)

Maite Marquez ilustratzaileak eta Kris Etxabe idazleak album ilustratua aurkeztu dute. Bertan, kutsadurak, plastikoek eta klima-aldaketak ozeanoetan duten eraginari buruzko hausnarketa sustatzen da.

‘Lorerik Gorrietan’ (irakurketa ilustratua)

Itziar Otegi, Sandra Garayoa eta Carmen Elvira. Lorerik gorriena ipuin klasiko batetik abiatzen da, oinordetzan jasotzen ditugun beldurrei eta marra gorriei buruz aritzeko. Istorio honetako protagonistak erabaki beharko du etxean geratuko den edo, aitzitik, basoan sartu eta otsoari aurre egingo dion. Beldurra gainditu eta nork bere bidea hartzeko gonbita egiten du ipuin honek.

‘Itsas hariak’ (antzerkia):

Itzal-antzerkiaren teknika erabiliz sortutakoa da, eta eraikin berean bizi diren bi neskatoren arteko harremana kontatzen du. Koronabirusa dela-eta etxean konfinaturik egon arren, modu berezia sortuko dute elkarrekin komunikatzeko. Lur Euskal Herrikoa da eta Kristel Boliviakoa. Kilimar Xuxurlak-eko Celeste Agüero eta Garazi Basterretxeak eskainitako saioa.

‘Basolatik berri onik ez’ komikia (aurkezpena).

Xabiroi aldizkarian atalka emandako komikia liburu batean bildu dute Asisko Urmeneta, eta Joseba Larretxea. Orbaitzetako olan burdin gori urtuak izenik gabeko langileak zulatzen ditu, gaitzeko izurriteak soldaduak itoarazten ditu… eta beste hamaika kontu bitxi.

Galtzaundi, Galtzamotz eta Galtzajario (ipuin kontaketa).

Antton Kazabon Amigorenak egiten du ipuin saioa. Aitzolek ez du txikia izan nahi, lehenbailehen handitu nahi du. Zergatik ote? Leirek, aldiz, txikia izaten jarraitu nahi du, ez du handitu nahi. Zeren beldur ote da? Eta Oinatz, berriz, beti galtzak arrastaka dituela dabil. Beharbada, axolagabe hutsa delako, edo beste zerbaitengatik? Norbaiten laguntza beharko dute beren kezkak eta beldurrak gainditzeko. Nork lagunduko ote die?

Bartoxeko Olentzero (ipuin kontaketa).

Kantton Kazabon Amigorena. Maddi jada ez da Olentzerorekin izutzen; ez behintzat Bartoxeko Olentzerorekin. 3tik 6 urtera arteko umeentzat.

Laino Txiki, egizu negar poliki  (ipuin kontaketa).

Xabier Etxaniz eta Monika Arratibelek sortutako ipuin kontaketa; 3 eta 6 urte bitarteko haurrei zuzendutakoa.

Xabier Lete Tttiki (ipuin kontaketa).

Antton Kazabon Amigorena. Aspaldi samar, 1944ko apirilaren 5ean jaio zen Xabier, Oiartzungo Landetxe izeneko etxe handi batean. Behin, oso ttikia zela, amak han aurkitu omen zuen osaba apaizaren liburu handi bat eskuetan zuela, arkatz batekin tirriki-tarraka dena arrastoz betetzen.

‘Gau beltza’ liburua (aurkezpena).

Josu Ozaita, Josebe Larratxe eta Garazi Arrula Ruiz. Anari amorratua dago, etxean ez baita giro: Halloween ospatu nahiko luke, baina amak ezetz dio, jai arrotza dela eta ez duela balio onik sustatzen. Bere inguruan giroa txartzen denean, Anarik itsasoa du ihesbide; bertan lortzen du bakea, surfa lagun.

Mila koloreko familiak (aurkezpena).

Amaia Arrieta margolaria eta Beatriz Yubero idazlea. ‘Bi familia Xaturrentzat’ ipuina + jarduera proposamen bat gaia lantzeko.

‘Zirimiria’ (aurkezpena).

Euripean gozatzeko ezinbesteko liburu tresna.

‘Amona Tomaxaren abenturak’ (ipuin kontaketa ilustratua).

Iñaki Martiarena Otxotorena Mattin ilustratzailea eta Ixabel Agirresarobe Arzallus ipuin kontalaria.

Liburu Baby Kluba (ipuin kontaketa)

Elisabeth Etxebesteren eskutik. 0- urteko haurrei zuzendutako ekintza

Miru, zoriontsu izateko sortu gara (kontzertua)

Miru ipuin kontalari eta abeslariaren eskutik.

Kokojokoa (aurkezpena)

Duela urtebete sortutako bideo-jokoa. Eider Eibarren eta Josu Cobeloren eskutik.