‘Zaintza txirikordatuz, hazkuntza partekatu’ tailerrak antolatu ditu Gasteizeko udalak Martxorako. Ama eta aitei zuzendutako tailer berezia dira eta guk Aitei zuzendutako tailerra bideratuko duen Edu Portillarekin hitz egin dugu.

2025eko otsailaren 17an argitaratua 0 eta 3 urte bitarteko haurrak dituzten familientzako Hazkuntza eta Hezkuntza Tailerren esparruan, martxoan familiarekiko erantzukizunari eta erantzunkidetasunari buruzko tailer bat egingo da, gurasoei (gizonei) zuzendua.

Ikastaro honetan, aitek hezitzaile gisa duten erantzunkidetasun parekidea sustatuko da, eta azpimarratuko da zaintzaren eta hezkuntzaren ardurak partekatzeak umeari eta familiari ekarriko dizkien onuren garrrantzia.

Horrez gain, abokatu baten laguntzaz, adingabeen zaintzaren inguruko gai praktikoak aztertuko dira, hala nola lan arloko baimenak, zaintzari lotutako laguntzak…

  • Tokia: Lourdes Lejarreta Udal Haur Eskola (Lakua).
  • Noiz: martxoko ostegunetan (6, 13, 20 eta 27), 16:00etatik 17:30era.